Lu dialette de Mudeste (*)
Jè già na puche d’anne che puntualmente, e pe furtune, a la Guardie si fa spettàcule 'nche lu Ta-pù de Mudeste e de queste la Cantine de la Croche nen pù che esse' cuntente. Di tutte queste avem'a da' lu merite principalmente a Fabio Di Cocco, attore e urganizzatore de talente che 'n tè 'bbisugne de vantaminte propie a 'stù mumente.
Ma propie pecchè Fabbie jè 'ccuscì brave, tanta guardïene s'arraje quande le sente 'recetà' le puesìe di Mudeste. Difatte, Fabbie adòpere nu dialette troppe pupulare che nen è quelle de Mudeste, chelù dialette che jè quelle vere de la Guardie. Lu dialette di Fabbie nen s'addice propie a Mudeste e disturbe tanta gente che dope fa le crìteche pe lu paise.
Siccome Fabbie jè brave, avesse a sta' chiù attente a ne' da' mutive, pecchè le mutive ce stà e nen è fessarì'! Pure jisse se n'à 'ccorte e prime de la rècite de poche jurne arrete l'à ditte e à date le giustificaziune. 'Mbè, quelle c'à ditte nun sole ne' m'à cunvinte, ma pense propie ca jè sbajate. Me permette di dirle 'gnì a n'amicizie pecchè, anche chi nen se cunusce, se vu bene a Mudeste jè amiche pe nu' de la Cantine.
La faccende jè ca a la Guardie mu, 'gnì a le timpe de Mudeste, se parle almene quattre dialitte differinte e queste me l'à spiegate pe file e pe segne lu nutare Ferrari: m'à ditte ca li dialitte dipende da le categurìe de la pupulaziona guardïane. Purtroppe pe Fabbie, che jè giuvene e forse certe cose ne' je l'ànne putute spiegà' bone, Mudeste parlave lu dialette de quille che, a la Guardie, cacchedune chiame ancure le "Artiste" (artiggiane, cummerciante e 'mpjeghete). Anche se jè difficile a truvà chi à 'ntese parlà propie Mudeste, ce sta ancure tanta gente che à 'mparate a parlà' lu dialette da chi 'nche Mudeste ce à 'vute a che fa', gente che parlave lu stesse dialette di Mudeste pecchè avè nate vicine a 'ddò avè nate lu puete e appartenè a la stessa categurìe: 'gnà se usa a dire, "jere lu pare sé". Ma ce sta pure n'âtru frunte che se pù cunsiderà': parecchie persune s'arecorde Reme Della Porta, fratelle de Mudeste, che tenè la puteche pe lu curse. Chi l'à cunusciute 'gnì mè sa che propie nen parlave 'gnì Fabbie quande 'rècite Mudeste.
Tra l'altre, nun sole lu puete nostre nen parlave lu dialette pupulare, ma quande scrivè je dave pure n'arepulite pecchè le puesìe le 'recetave jisse stesse, 'n certe uccasiune, a nu pubbliche che jere quase tutte de "Signure", na categurìe che parlave "pulite", 'gnà se dicè a chele timpe.
All'ùtema rècite Fabbie à ditte che vulè aripurtà' lu Ta-pù all'urigginale, senza tutte le mudifiche che ànne fece amicizie e tipùgrefe di allure che ne' jere nisciune de la Guardie. Giuste! Queste però nen c'intre nïente 'nche la prununce: quande Mudeste scrive "tutte", si dice "tutte" e no "tiutte"! 'Stù mode de parlà' jere di quille che Mudeste chiamave "genta vasse", oppure de le "cafune". Purtroppe, se se va a sintì' lu dialette che parle le discindinte de le 'migrente guardïene, 'gnà à fatte Fabbie, s'aritrove sci' lu dialette antiche, ma quelle che parlave 'st'être categurìe: tra le 'migrente 'n ce stave li "Signure" e di "Artiste" ce ne stave propie puche!
Allure, a nome de la Cantine de la Croche e de tanta guardïene, facce na richieste a Fabbie:
"Fabbïù', faje arisintì le puisìe de Mudeste a la manire de Mudeste.
Quelle jere e jè lu dialette de la Guardie, quelle de Mudeste ma pure di tutte quille che à scritte 'n dialette guardïane: per esempie, Alde Aìmola, Maure Iacovella e Agrippine Bucceroni. Se nen sì cunvinte, lìggete "Ma... nen t'affurijà" de Alde Aìmola: na puisìe scritte apposte 'nche lu dialette de nu cuntadine (Mudeste avesse ditte "nu cafune"), troppe diverse da tutte l'être cumpuniminte di Alde…
Però, a Fa', se vu cuntinuà' accuscì, 'n te preuccupà' cà te venghe a sintì' lu stesse!"
Giansante "Lu Cantinire"
(*) 02.09.2012 - La Cantine jè tante cuntente ca Fabbie, da persuna 'ntelliggente, à capite ca 'stà nutarelle rappresente na manifestazione d'affette e nu stìmule pe da' ancure chiù valore a la fatija sè e a la puesìe di Mudeste. Fabbie j'à ditte a nu' ca già stave a lavurà' sulla faccende e seme sicure ca lu risultate sarrà eccellente.
Da parta nostre, puteme cunfermà' ca la Cantine jè sempre a disposizione pe fa' quattre chiacchiere e discute' de 'ste cosa quiste.
Ultimo aggiornamento ( 31 Ottobre 2014)